İşğal etilgen Qırımda "Sarı şerit" areketiniñ faalleri Taras Şevçenkonıñ doğğan kününe qarşılıq aktsiyasını keçirdi. Bu aqta areketniñ telegram kanalında aytıla.
Tebriknameler Kezlevde, Aqmescit ve Aqyar soqaqlarındaki Şevçenko abidesiniñ yanında peyda oldı.
"Tünevin rusiyeliler aktsiyalarğa yol bermemek içün nezaretlerini arttırdılar. Amma işğalciler insanlarnıñ yüreklerinde olğanlarnı yoq ete bilelermi? Böylece, vaqtınca işğal etilgen topraqlarnıñ sakinleri bizge Donetsk, Lugansk, Nova Kahovka şeerlerinden ev "Kobzarlarınıñ" fotoresimlerini yollaylar. Olar insanlarnıñ evlerinde saqlanıla — onlarnen biñlernen — işanç ve ümütniñ timsali olaraq. Ve buña daa bir söz ya da añlatma kerek degil", — dep aytıla yol areketi haberinde.
Saban ayınıñ 9-nda Taras Şevçenkonıñ doğğanına 211 yıl toldı.
"Sarı şerit" teşkilâtı Rusiye tarafından işğal etilgen Ukrayina topraqlarında ukrayinlerniñ tirenüv areketidir. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
