"Sarı şerit" areketiniñ faalleri Aqmescitte, Yaltada ve Kefede Ukrayina destegine grafiti, beyannameler ve timsaller yerleştirmege devam eteler. Bunıñ aqqında faaller öz telegram kanalında haber eteler.
"Mavı ve sarı qum saatımıznıñ timsal olğan "İşğalden azat etüv başlana" aktsiyasını başlağanımızdan bir ay keçti. Resimlerde Aqmescit, Yalta ve Kefeniñ nasıl tirengenini köre bilesiñiz", - dep yazıla bildirmede.
«Sarı şerit» («Jovta striçka») Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
