Qırımnıñ cenübinde Simeizde "Sarı şerit" areketiniñ faalleri Ukrayinanıñ bayraqlarını yerleştirdiler, dep haber etile areketniñ telegram kanalında.
"Simeiz teslim olmay! Qırımnıñ er köşesinde Ukrayina bayraqları yelpirep tura ve işğalcilerge küreş devam etkenini hatırlata. Aqmescitteki "Sarı şeriti" areketiniñ faalleri Ukrayinanıñ timsallerini atta kiçik şeerlerde tarqatalar. Qırım Ukrayinadır, ve biz onı qaytaracaqmız", — dep yazdı faaller
Sentâbrniñ 13-nde berilgen malümatqa köre, "Sarı şerit" faalleri ilhaq etilgen Qırımda "Biz barmız" aktsiyasını keçirdi. Tirenüv timsalleri Aqmescit, Aqyar, Kezlev ve Gurzufta peyda oldı.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Semey, Balıqlava kibi kiçik şeerlerniñ sakinleri qoşula.
Areketniñ eñ belli aktsiyalarından biri - sarı şeritlerniñ asılması ve yarımadada «Qırım Ukrayinadır» yazısı ile plakatlarnıñ yapıştırılmasıdır. Yaqında faaller Boyko dağında Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
