Link açıqlığı

Saatnıñ esas haberi

"Sarı şerit" areketiniñ faalleri Keriçte tirenüv timsallerini asıp çıqtılar


Nümüneviy resim
Nümüneviy resim

İşğal etilgen Qırımda "Sarı şerit" areketiniñ faalleri kene Ukrayina destegine graffiti yaptılar ve sarı şeritler asıp çıqtılar. Buña ait resimler faallerniñ telegram kanalında yayınlanğan.

Keriçte "USQ" (Ukrayina Silâlı Quvetleri), "UA" ve "Ї" (ukrayin tili elifbesinden arif) metinlerinen yazılar peyda oldı.

"Sarı şerit" areketiniñ faalleri vaqtınca işğal etilgen Keriçten selâmlar söyleyler", - dep yazıla bildirmede.

Evel "Sarı şerit" ukrayin areketi, "vaqtınca işğal etilgen Qırımda grajdanlıq tirenüvi quvetini arrttıra" dep bildirgen edi.

Rusiyede ve işğali altındaki topraqlarda Ukrayinağa qoltutqan sakinler taqip etile. Rusiye tarafdarı bloger Aleksandr Talipov «Krımskiy SMERŞ» ve «TalipoV Online Z» Telegram kanallarında Ukrayinağa qoltutqan qırımlılarnıñ şahsiy malümatını derc ete. Talipovnıñ şikâyetleri neticesinde qırımlılarnı Rusiye ordusını «itibardan tüşürgeninde» qabaatlap, memuriy ve cinaiy mesüliyetke çekeler. Ukrayina prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG