"Sarı şerit" areketiniñ faalleri qırımlılarnı sentâbrniñ 6-ndan 8-ne qadar ilhaq etilgen Qırım yarımadasında Rusiye tarafından keçirilgen qanunsız saylavlarnı körmemezlikke urmağa çağıralar. Mütenasip çağıruv areketniñ telegram kanalında derc etildi.
"Al-azırda, Qırım sakinleriniñ duyğularını ve izaatlarını köz ögüne alsaq, emin ola bilemiz ki, işğalcilerniñ laflarına baqmadan, iştirakçi sayısı az olacaq ve ekseriyeti Qırımda yaşağan ruslardan ibaret olacaq. Er bir şübeli qırımlını "saylavlarnı" körmemezlikke urmağa çağıramız", — dep aytıla haberde.
Faallerniñ aytqanına köre, "Qırımda qarşılıq devam ete, ve bir çoq insan bu saylavlarda rey bermeycek, çünki Rusiyeniñ işğal etilgen topraqta saylavlarnı keçirme aqqını tanımaylar".
Rusiye akimiyeti sentâbrniñ 6-dan 8-ne qadar işğal etilgen Qırım ve Aqyarda Rusiye Federatsiyası tarafından qurulğan qanunsız saylavlarnı keçire. Saylavlar Rusiyeniñ kontroli altında olğan Qırım parlamentine, şeer ve köy şuralarınıñ deputatlarına keçirile.
Bu saylavlarda resmiy halqara közeticiler yoq. Halqara toplulıq, BMT, OSCE ve diger teşkilâtlar bu saylavlarnı, olarnıñ neticelerini ve deputatlarını tanımay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
