"Sarı şerit" areketiniñ faalleri Qırımda ve Aqyarda ilk küz ayınıñ 24-nde Nyu-Yorkta başlanacaq "Qırım platforması"nıñ beşinci sammitine bağışlanğan aktsiyanıñ keçirilmesi aqqında bildirdiler.
Aqyar, Aqmescit, Bağçasaray ve Kezlev fotoresimleri areketniñ telegram kanalında derc etildi.
"Sarı şerit" areketiniñ faalleri Qırım Ukrayinanıñ qısmı olğanını ve qarşılıq devam etkenini bütün dünyağa bildirmek isteyler. Bunı tasdıqlamaq içün Aqyar, Aqmescit, Bağçasaray ve Kezlev fotolarını qoşamız", — dep yazdı faaller fotolarnıñ tübünde.
Rusiye akimiyetiniñ bu aktsiyağa resmiy cevabı şimdilik yoq.
"Sarı şerit" teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Simeiz, Balıqlava kibi kiçik şeerlerniñ sakinleri qoşula.