«Sarı Şerit» Ukrayına areketiniñ faalleri işğal altındaki Aqyarda Ukrayına risaleleri, haber ve graffiti tarqattı. Bu aqta areketniñ Telegram kanalında haber etile.
«Sarı Şerit» areketiniñ faalleri şeer naqliyatında raşistlerge 2023 senesi Qırım Muhtar Cumhuriyeti ve Aqyarnıñ baş meydanlarında Ukrayına bayrağı peyda olacaq bir yıl olacağını hatırlatqan graffiti ve risalelerimizni tarqata», – dep aytıla haberde.
Risale ve haberlerde «Aqyar Ukrayına şeeri», «Ukrayına ğalip çıqacaq» ve «Putin – qatil» dep yazılğan.
«Sarı şerit» Ukrayına areketi «vaqtınca işğal etilgen Qırımda vatandaş tirenüvi quvetlerini arttıra», dep bildirdi. Areket faalleri Qırımda Ukrayınağa qoltutuv risalelerii tarqata.
Qırım ve Aqyarda Rusiyeniñ Ukrayınağa qarşı istilâ etkenine qarşı çıqqanlarnı taqip etmege devam ete. Noyabr ayında «KrımSOS» aq qorçalayıcı teşkilâtı 9 ay içinde Qırımdaki Rusiye gemileri Rusiye ordusını 200-den çoq «itibardan tüşürüv» memuriy davasını baqtı.
Ukrayına prezidentiniñ Qırım Muhtar Cumhuriyetindeki daimiy vekiliniñ muavini Denis Çistikovnıñ soñki malümatına köre, Qırımda 170-ten çoq insan Rusiye Federatsiyasınıñ ordusını «itibardan tüşürgeni» içün mesüliyetke çekildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
