"Sarı şerit" areketiniñ faalleri Aqmescitte ukrayin timsallerini, em de Rusiye ordusına askerlikke alınmamağa yardım etecek plakatlarnı tarqattı. Mütenasip fotoresimler areketniñ telegram kanalında derc etildi.
"Sarı şerit" areketiniñ faalleri tek şeerlerde ukrayin timsallerini tarqatmay, yerli sakinler içün faydalı malümatnı da asıp qoyalar, yani askerlikke alınmaqtan nasıl qaçınıp, duşman tarafında cenkleşmemek kerek. Bu kibi plakatlar ve diger isyan örnekleri Mirnaya, Cami-Ela ve Zavodskaya soqaqlarında peyda oldı. Er kün olarnıñ sayısı arta, çünki Qırım Ukrayinadır!" — dep yazdı fotolarnıñ tübünde faaller.
"Sarı şerit" teşkilâtı Rusiye tarafından işğal etilgen Ukrayina topraqlarında ukrayinlerniñ tirenüv areketidir. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
