"Sarı şerit" Ukrayin cemaat areketiniñ mahküm etilgen faali Kseniya Svetlişina Aqmescit şeerindeki 1-nci sanlı SİZO-dan avuştırıldı. Bu aqta "Tribunal. Krımskiy epizod" aq qoruyıcı leyhası, FSİN-deki menbağa atıf eterek haber ete.
Menbanıñ aytqanına köre, avuştırıluv yönelişleri belli degil, qadın tek bir ay soñra bağğa çıqa bile.
2024 senesi İlk yaznıñ 3-nde Svetlişina Rusiye mahkemesi tarafından Rusiye Ceza Kodeksiniñ 275.1 (Ecnebiy devletnen gizli işbirlik) ve 214 (Vandalizm) maddelerine istinaden qabaatlı dep tanıldı, beş yıl üç ay umumiy koloniya cezasını aldı.
2025 senesi Oraqnıñ 21-nde belli oldı ki, Oraqnıñ 8-de istinaf mahkemesinde davanıñ yañıdan baqıluvı vaqtında mahkemege qaytarmaq qarar qabul etildi, "çünki faktik allar areketlerni daa ağır cinayet olaraq tasnif etmek içün esaslarnı köstere". Belli olmağan sebeplerden diñlev cemaat içün qapalı şekilde keçirildi.
2025 senesi orta küz ayınıñ 30-nda Rusiyeniñ kontrolindeki Aqyar şeer mahkemesi "Sarı şerit" faali Kseniya Svetlişinağa qarşı çıqarılğan ükümni yañıdan baqıp çıqtı ve 13 yıl 3 ay apis cezasını tayin etti.
"Sarı şerit" teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Simeiz, Balıqlava kibi kiçik şeerlerniñ sakinleri qoşula.