«Sarı şerit» («Jovta striçka») areketi işğal etilgen Qırımnıñ şeerlerinde yañı aktsiya keçirdi. Bu aqta faallerniñ Telegram kanalında aytıla.
«Sarı şerit» areketi Qırımnıñ bütün büyük şeerlerinde çalışa – Yalta, Aqmescit, Aqyar, Keriç, Kezlev, Kefe. Onlarnen mini-aktsiya keçirip oldıq. Daa çoq olamız ve küreşimizni quvetleştiremiz, çünki Qırım – Ukrayına!», – dep aytıla haberde.
«Sarı şerit» teşkilâtı – Rusiye vaqtınca işğal etken Ukrayına topraqlarında tirenüv areketidir. Areket teşkilâtçıları gizli faallernniñ sayısı bir qaç biñden çoq ola ve arta, dep bildire. Olarnıñ aytqanına köre, Qırım cemaatı – eñ faallerden biri, hususan Aqmescit, Yalta, Kezlev ve Kefe, soñki vaqıtları olarğa Simeiz ve Balıqlava sakinleri de qoşula.
Areketniñ eñ belli aktsiyalarından biri – yarımadada sarı şerit baylamaq ve «Qırım – Ukrayınadır» yazuvlı şiarlarını yapıştırmaq. Faaller Boyko dağında da Ukrayına bayrağını köterdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
