İşğal altındaki Qırımda «Sarı şerit» faalleri soñki afta devamında 2 biñden çoq gazeta ve Rusiye Federatsiyasınıñ prezident saylavlarına davetni yaqtı, dep haber ete areketniñ Telegram kanalı.
«Aqmescit sakinleri işğalcilerniñ saylavaldı kâğıtlarını alıp yaqa. Soñki aftada 200-den çoq gazeta ve sahte saylavlarnıñ davetnamelerini yaqtıq», – dep aytıla haberde.
Areket koordinatorları qayd etkenine köre, qırımlılar yarımadada sahte saylavlarnı boykot etmege çağıra.
Rusiye prezident saylavları 2024 senesi martnıñ 15-17-nde ötkerilecek. Anayasa deñişmeleri sebebinden Putin beşinci (ve atta altıncı) kere prezident ola bile. İlk sefer bu vazifege 2000 senesi keldi.
Qırım yarımadası resmiy şekilde bir qısmı olğan Ukrayına ve dünya memleketlerniñ ve halqara teşkilâtlarnıñ ekseriyeti, hususan BM ve OSCE, Rusiye işğal etken Ukrayına topraqlarında (2014 senesinden başlap bugünge qadar) Rusiye saylavlarını tanımay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
