Rusiye uquq qoruyıcıları Saq şeeriniñ sakinini «Okean Elzı» ukrayin taqımını diñlegeni içün tuttı, dep haber ete Rusiye uquq qoruyıcılarınen bağlı Rusiye tarafdarı bloger Aleksandr Talipovnıñ «Krımskiy SMERŞ» Telegram kanalı.
Berilgen malümatqa köre, tutulğan Yevgeniy Blagodırge qarşı protokol tizildi, afu soraması talap etildi. Rusiye uquq qoruyıcıları çıqarğan videoda Blagodır Ukrayin yırını YouTubeda «aselet» diñlemedi, dep ayttı.
Rusiye uquq qoruyıcılarınıñ bu malümatnen bağlı resmiy izaatları yoq.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını «areketsizleştirgenleri» içün yaqalana ve memuriy ve cinaiy mesüliyetke çekile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
