Saqta Rusiye arbiy tehnikası (video)
Qırımnıñ ğarbindeki Saq şeerinde aprelniñ 29-nda kündüz yollarda Rusiye arbiy tehnikasınıñ kolonnası qayd etildi. Qırım.Aqiqat mühbiriniñ bildirgenine köre, onıñ erkânında beş raketa tertibatı ve bir qaç arbiy maşina bar edi. Birazdan aynı yoldan Arbiy piyade tehnikası keçti. Martnıñ soñunda şaatlar Şarqiy Qırımda, hususan – «Tavrida» yolunda, arbiy tehnikanıñ faal areket etkenini bildirgen edi. Daa evel Qırımda yedinci gvardiya desant-ücüm diviziyasınıñ desant-ücüm ve top alayları ile büyük taktik talimleri başlağan edi.