Saqta çöplük meselesini çezmek içün çöplük cıyıştırğan maşnalar ve azbar hızmetçileri yetişmey. Bu hususta martnıñ 7-sinde Qırımnıñ rusiyeli başı Sergey Aksönovnıñ köçme oturışında şeer akimiyeti bildirdi.
Memuriyetniñ bildirgenine köre, bütün soqaqlarnı cıyıştırmaq içü daa 24 azbar hızmetçisi ve beş türlü çöplük cıyıştırğan maşna kerek. Hızmetçilerni işke almaq içün daa 8 million ruble kerek, maşnalarnı satın almaq içün ise 16 million ruble.
Saq sakinleri şeerde çöplük toplanmasına şikâyet ete. Bu aqta köçme oturışta martnıñ 7-sinde Sergey Aksönov haber etti. Onıñ aytqanına köre, bu ihtiyaclarnı qanaatlendirmek içün Qırım büdjetinden Saq şeerine 19 million ruble ayırılacaq.
Qırımda çöplük meselesi Rusiye “çöplük islâatı” quvetini alğan soñ kerginleşti.
2019 senesi yanvar 1-inden Rusiye ve ilhaq etilgfen Qırımda çöplük çıqarmasınen yerli bölge hızmetçileri oğraşa. Bu islâat sebebinden, eali içün çöplük çıqarılmasınıñ fiyatı bir qaç kere köterildi. Bunıñ sebebi - ücretniñ yañı sayuv usulı.
