Noyabr 26-sında Qırımda yağmurlar beklenile.
Yarımada Gidrometeomerkeziniñ tahminlerine köre, Aqmescitte deñişici bulutlılıq. Gece yağanaqlarsız, kündüz ara-sıra yağmurlar. Şarqiy yel 7-12 m/s, bazıda 15 m/s. Ava arareti kündüz 12…14º.
Aqyarda deñişici bulutlılıq, saba ve kündüz yağanaqlarsız. Aqşam yağmur yağacaq. Şimal-şarqiy yel 5-10 m/s. Ava arareti kündüz 11…13º.
Qırımnıñ cenübiy yalısında deñişici bulutlılıq. Kündüz ara-sıra yağmur yağacaq. Saba duman. Şarqiy yel 7-12 m/s, bazıda 15 m/s qadar üfürecek. Ava arareti kündüz 12…14º.
Keriçte deñişici bulutlılıq. Yağanaqlarsız. Şimaliy yel 6-11 m/s. Ava arareti kündüz 7…9º.
