Link açıqlığı

Saatnıñ esas haberi

Salı künü Aqmescit ve Bağçasaray rayonınıñ bir qısmı suvsız qalacaq


Salı künü, iyülniñ 30-nda, Aqmescit ve Bağçasaray rayonınıñ bir qısmı tamir işlerinden sebep suvsız qalacaqlar. Bu aqta «Voda Krıma» müessisesiniñ matbuat hızmeti bildire.

Aqmescitte 9:30-dan 14:00-ğa qadar Kuybışev (qısmen), Repin, Trolleybusnaya, Polevaya, Avtomagistralnaya, Kiyevskaya soqaqlarında, Sovhoznıy aralığında, yaqın soqaq ve aralıqlarda suv olmaycaq.

Bağçasaray rayonında saat 8:30-dan 19:00-ğa qadar Bazarçıq (Poçtovoye) qasabası, Han Eli (Novopavlovka), Topoli, Priyatnoye Svidaniye köylerinde suv berilmeycek.

Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.

Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.

XS
SM
MD
LG