Qırımnıñ Rusiye yolbaşçısı Sergey Aksenovnıñ bildirgenine köre, Aqmescitteki Salğır özenini bulaştıruv seviyesi normadan biñ qat yüksektir. Bunıñ sebebi de – kanalizatsiya aquvları.
«Salğır özenimiz aman-aman 70 biñ kubometr kanalizatsiya aquvlarını ala. Yañı Sarabuzda zemaneviy temizleyicilerni qoymaq içün federal ükümetke haber ettik, amma kanalizatsiya aquvlarını temizlev sisteması başqadır. Aqmescitte Salğırdaki bulaştıruv bazı köstergiçlerge köre normadan biñ qat yüksektir», – dep ayttı Aksenov suv teminlev problemleri toplaşuvında.
Qırımnıñ Rusiye ekologiya ve tabiat resursları naziri Gennadiy Narayevniñ haber etkenine köre, Aqmescitniñ Jeleznodorojnıy rayonında kimligi belli olmağan insanlar Mokrıy Log irmağına kanalizatsiyanı aqtıra edi.
