2025 senesi oktâbrniñ 22-nde saba Safinar Cemileva ve qırımtatar halqınıñ lideri Mustafa Cemilevniñ oğlu 51 yaşında Eldar Ebubekirov devamlı hastalıqtan soñ vefat etti. Bu aqta içtimaiy ağlardaki saifelerinde Qırımtatar Milliy Meclisiniñ reisi Refat Çubarov bildirdi.
Çubarovnıñ qayd etkenine köre, 2000-lerde Eldar 2003 senesinden 2008 senesine qadar Iraqta bulunğan çoq milletli koalitsiyanıñ erkânında olğan Ukrayina barıştırıcı kontingentiniñ iştirakçisi edi.
Çubarov Qırımtatar Milliy Meclisi adından Mustafa ve Safinar Cemilevlerge, Eldarnıñ bütün tuvğanları ve yaqınlarına taziyeler bildirdi.
