Link açıqlığı

Saakaşvili: Eger de diversantlar Vilâyet devlet memuriyetlerinde 48 saat devamında bulunsalar, Rusiye orduları kene istilâ ete bileler


Eger de separatistler zapt etilgen Vilâyet devlet memuriyetinde 48 saat devamında bulunsalar, Rusiye orduları Ukrainanı basıp alırlar.

Bunı öz Fasebook saifesinde Gürcistan sabıq prezidenti Mihail Saakaşvili yazdı.

«Üç kün evelsi öz maqalemde şarq vilâyetlerinde Vilâyet Devlet Memuriyetleriniñ zaptı ola bilecegini aytqan edim. Eger de diversantlar anda 48 saat devamında bulunsalar, Rusiye orduları tarafından istilânı körmege mümkün olur. Aynı stsenariy Qırımda da olıp keçken edi – başta miting, soñra, oınñ neticesi olmasa, zapt ve rusiye istilâsı. Yani başta Surkovnıñ planı, soñra Patruşevniñ (RF Havfsızlıq şurasınıñ kâtibi, 1999-2008 seneleri – RF Federal havsızlıq hızmetiniñ müdiri). Er şey öyle bir primitivdir ki, ukrain akimiyeti evelden bu adiselerniñ ögüni ala bile», – dep yazdı Saakaşvili.

Onıñ fikrince, şimdi – «Ukraina şarq sıñırlarınıñ qoruvı içün arbiy mobilizatsiya» pek müimdir.

Bazar künü Lugansk ve Donetskte separatist mitingler devam ete. Olarnıñ neticesinde Donetsk VDM ve Lugansk Ukraina Havfsızlıq Hızmeti idaresini zapt ettiler.
XS
SM
MD
LG