Ukraina Sağlıq saqlav nazirligi, martnıñ 13 itibarınen memlekette 47 541 insan COVID-19 aşısını yaptı, dep bildirdi. Bunı Azatlıq Radiosı haber ete.
«Tünevin Ukrainada 9304 adam COVID-19 aşını yaptı. Olardan bir ilâc dozasınen 9304 aşılandı, vaktsinatsiyanı bitirdi (eki ilâc dozasınen aşılandı) 0 adam. Martnıñ 12-nde bundan bir kün evel olğanına baqqanda 445 aşı ziyade yapıldı. Vaktsiyanatsiyanı 161-nci köçüci brigada yaptı», – dep yazıla bildirmede.
Sağlıq saqlav nazirliginiñ malümatına köre, aşılama kampaniyasınıñ başlanğanından berli eñ çoq aşı Donetsk vilâtetinde 4654 yapılğan.
Fevralnıñ 24-nde Ukrainada tam şekilde koronavirus uqunçına qarşı aşılama kampaniyası başlandı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
