Ukrayina tış işler naziri Andriy Sıbiğa Ukrayina — NATO Şurasınıñ toplaşuvına optimistik qıymet kesti, dep haber ete çeçek ayınıñ 4-nde Azatlıq Radiosınıñ mühbiri.
Amerika Birleşken Devletleriniñ devlet kâtibiniñ iştiragi ile birinci körüşüvini izaatlap, Marko Rubio, ortaqları tarafından "Ukrayinağa qol tutuvda qararlılıq" is etkenini bildirdi:
"Böyle qıyın vaqıtta Ukrayinağa destek köstermek içün bir çoq yañı mecburiyet seslendirdi. Eminim ki, bu mecburiyetler qısqa müddet içinde konkret yardım paketlerine çevirilecek".
Ukrayina Tış işler naziriniñ aytqanı kibi, söz yaqın künler ve aftalar aqqındadır. Onıñ aytqanına köre, muayyen raqamlarnı memleketler vaqıt keçken soñ bildirecekler. Onıñ qayd etkenine köre, söz, başqa şeylernen beraber, gumanitar yardımnıñ quvetleştirilüvi ve Ukrayinanıñ minalardan temizlenüvi ve ğayrıdan tiklenüvi ile bağlı yardım aqqındadır.
O, tünevin Avropa Birligi memleketleriniñ tış işler nazirleriniñ körüşüvi olıp keçkenini ve o da bizge çoq yahşı haber ketirgenini hatırlattı.
Bir kün evel Ukrayina tış işler naziri Andriy Sıbiğa, Brükselde NATO ştab-kvartirasında ABD devlet kâtibi Marko Rubio ile körüşip, Ukrayinanıñ barışıq ğayretlerine sadıq olğanını tasdıqlağanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
