Cumaaqşamı künü Avropa şurasınıñ toplaşuvı Avropanıñ strategik mudafaası ve global rolü içün "tarihiy bir an" olacaq, dep saya tış işler naziri Andriy Sıbiğa.
"Ukrayinağa qol tutmaq içün Avropa Birliginiñ yañı küçlü adımlarını bekleymiz, olar arbiy adamlarımıznı quvetleştirecek, mudafaa qabiliyetimizni arttıracaq ve mudafaa sanayımıznı kenişletecek", — dep ayttı o.
Ukrayina Tış işler naziriniñ fikrine köre, böyle adımlar Rusiyege qarşı basqını quvetleştirmeknen beraber Ukrainanıñ mevamını pekite bile, adaletli barışıqnı yaqınlaştıra bile ve transatlantik havfsızlıqnı quvetleştire bile.
Sıbiğa, barışıq Ukrayina içün birinci prioritet olğanını qoştı:
"Ukrayina adaletli ve devamlı barışıqnı eñ çoq istey. Bu maqsatqa irişmek içün ortaqlarımıznen çalışmağa devam etemiz. Amerikanıñ iştirak etüvi barışıq ıntıluvlarınıñ muvafaqiyetli olması içün pek müimdir".
Sammit, Rusiyeniñ Ukrayinağa qarşı cenkine dair ABD siyasetiniñ deñişmesinen bağlı. Donald Trampnıñ memuriyeti, Ukrayina ve Rusiye tarafından er eki tarafnıñ imtiyazlarını talap etip, cenkniñ tez vaqıtta bitmesine irişe.
Avropa Birligi Ukrainağa "kerek olğanı qadar" qol tutmaq kerek olğanını ve Kyivge menfiy añlaşmalar tizmemek kerek olğanını ayta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
