Berdânsk sıñır bölüginiñ ukrain sıñırcıları, Belosarayskaya kosa civarında balıq tutqan adamlarnı yaqaladı. Bu aqta Ukraina Devlet sıñrınıñ Facebook saifesinde bildirile.
“Berdânsk” bölüginiñ sıñırcıları, Azaq milliy tabiat qorucı parkınıñ hadimlerinen beraber Azaq deñizinde Belosarayskaya beli civarında UMS 600 katerinen devriye yaptı… Devriye vaqtında sıñırcılar, uzunlığı 650 metr olğan 9 çilterni ve Qızıl kitapta olğan balıqlarğa qoyulğan 45 qapqannı taptı ve suvdan çıqardı”, - denile beyanatta.
Sıñır hızmetinde bildirdiler ki, balıq tutuv aletleri tutulıp alında, balıq ise deñizge yiberildi.
