Ukrayına Mudafaa naziri Rustem Umerov bildirgenine köre, Kyiv seferberlik bitkenini tek cenk bitken soñ aytıp olacaq.
Mudafaa naziri «Suspilne» telekanalınen subetleşip, Ukrayına ealisi arasında seferberlik manası biraz «qorqunçlaştırıla», dep qayd etti. Umerovnıñ aytqanına köre, böyle «dünyabaqışı» meseleleri deñişmeli.
Nazirniñ hatırlatqanına köre, Rusiye uruş areketlerini devam ettire, Ukrayına Mudafaa nazirligi eki yıldan berli cebede olğan arbiylerge raatlıq qaidelerini ve ordudan qısmen çıqmaları içün imkânlarını añlatacaq yollar taptı. Mudafaa nazirligi qanun leyhasını azırlay, dep bildirdi Umerov.
«Soñki eki yılda toplanğan qararlar olacaq. Bizim maqsadımız – askerlik ceza olaraq körünmeycek bir şey yapmaq», – dep ayttı Mudafaa naziri.
Ukrayına Silâlı Quvetleriniñ generalı Dmıtro Marçenko Deutsche Welle ile subetleşip, Ukrayınada Ukrayına ordusına göñülli olaraq qoşulmağa istegenler artıq yoq, dep ayttı.
Bu afta Ukrayına prezidenti Volodımır Zelenskıy arbiylerniñ daa 500 biñ insannı seferber etmek ricası aqqında bildirdi. Bu qarar daa tasdıqlanmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
