Yıl sayuvına dair vesiqanı aqayı Ulyanovsk vilâyetiniñ №1 apishanesiniñ mahsus bölük yolbaşçısı Yelena Mihojinadan aldı.
Rusiyeniñ Rostov-na-Donudaki Cenübiy okrugınıñ arbiy mahkemesiniñ ükmüne kor, Seythalilov beş yıl apiste yatacaq edi. Rusiyeniñ Cezalarnı yerine ketirüv federal hızmetiniñ qaidelerine köre, o, apishanede eñ az 1 yıl yatmalı. Qalğan doquz yılnı sert rejimli koloniyada keçirecek.
Rustem onı Ulyanovsk vilâyetiniñ apishanesinde ziyaret etken advokatına tutuv şaraitlerinden şikâyetçi degil, dep bildirdi. O, tek sağlıq vaziyetini aytıt. Siyasiy mabüsniñ tişleri ağıra, tiş ekiminden yardım istey. Apishane memuriyeti tuvğanları ekim tapıp, apishanege ketirse, buña mania olmaycaq, dep işandırdı.
Rustem Seythalilov – «Qırım birdemliginiñ» faali. Apiske alınmazdan evel Qırımda siyasiy mabüslerniñ qorantalarına yardım etken, mahkemelerge barğan, SİZOğa yollanmalar yapqan, diniy bayramlarnıñ keçirilüvine yardım etken edi.
2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi.
2023 senesi martnıñ 18-nde Rusiyeniñ Rostov-na-Donu mahkemesi «Qırım birdemliginiñ» beş faaline üküm çıqardı. Qırımtatar faalleri Akim Bekirov, Seytveli Seytabdiyev, Rustem Seythalilov 14 yılğa, Eskender Suleymanov ve Asan Yanikov 15 yılğa koloniyada qalmasına üküm etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
