Rusiye apishane ekimleri yanvarniñ 16-nda mahkemede başlağan burun qanamasına baqmadan vatandaş jurnalisti Rustem Şeyhaliyevni hastahanege almadılar. Bu aqta «Qırım birdemligi» uquqçı Lilâ Gemeciniñ malümatına esaslanıp bildire.
«Rustem tibbiy bölük hadimleri qan basımını normal köstermek içün qan basımını arttırmağan edi», – dep qayd etti uquqçı.
Keçken oturışuvda Şeyhaliyevge çağırılğan feldşer burnu qanağanda yüksek qan basımını qayd etti. Oña ine yapıldı, amma hastahanege alıp ketmediler. Talil yaptırmaq ve kerekli tedaviylev protokolını belgilemek oña imkân berilmedi.
Rustem Şeyhaliyev apishane ekimlerinden oña elektrokardiogramma yapmalarını rica etti – qırımlı yürek yetmesizligi bar, dep şübhelene.
2019 senesi mart ayında Rusiye uquq qoruyıcıları Qırımda qırımtatar faalleriniñ, hususan «Qırım birdemligi» cemaat birleşmesi vekilleriniñ evlerini tintti. Umumen 24 insan tutuldı, aralarında vatandaş jurnalistleri Osman Arifmemetov, Rustem Şeyhaliyev, Remzi Bekirov. 2019 senesi martnıñ 27-nde ve 28-nde Aqmescitteki Rusiye mahkemesi tutulğanlarnı apiske aldı.
«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
