O, SİZOda qalacaq. Oturışuv qapalı oldı. Şimdi bu mahkemede salı künü Bağçasarayda tintüvlerden soñ tutulğan «Qırım birdemligi» faali Musta Abduramanovnıñ davası baqıla.
Martnıñ 5-nde saba Qırımda qırımtatarlarnıñ evlerinde kütleviy tintüvler oldı. Bağçasarayda tahqiqat tedbirleri «Qırım birdemligi» faalleriniñ evlerinde, Canköy rayonında ise din adamlarınıñ evlerinde keçirildi. Tintüvler 10 qırımtatarınıñ evinde yapıldı.
Tintüvlerden soñ FSB eñ az beş kişini tuttı, olarnıñ arasında sabıq imam Remzi Kurtnezirov bar. Kurtnezirov ekinci derece saqatıdır.
Rusiye uquq qoruyıcıları martnıñ 5-nde tutulğan qırımtatarlarnı terror teşkilâtında iştirak etkeninde qabaatladılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
