Yanvarniñ 8-nde Rusiyeniñ Zaporojjâğa ücüminden soñ yaralanğanlarnıñ sayısı 113-ke arttı, olardan onunıñ alı ağır, dep bildirdi cumaaqşamı künü saba vilâyetniñ arbiy memuriyetiniñ yolbaşçısı İvan Fedorov.
Tünevin haber etilgenine köre, şeerde ücüm neticesinde 13 insan elâk oldı.
Yanvarniñ 8-nde Rusiye arbiyleri Zaporojjâğa ücüm etti. Ukrayina prezidenti Volodımır Zelenskıy, ücümni izaatlap, Rusiye ordusı ava bombalarnen ücüm etkenini qayd etti.
Rusiye atışları neticesinde çoq qatlı evler, sanayı obyektleri ve şeerniñ diger infrastrukturası yoq etildi.
Yanvarniñ 9-nda Zaporojyjâ vilâyetinde matem künü ilân etildi.
Cebe sızığından bir qaç on kilometr mesafede yerleşken Zaporojjâ muntazam sürette Rusiye ücümleriniñ nişanına çevirile. Soñki ücümlerden biri, hususan, Yañı yıl gecesi oldı. Soñki vaqıtlarıidare etilgen ava bombaları daa sıq qullanıla. Darbeler neticesinde elâk olğan ve yaralanğanlar bar, infrastruktura obyektleri yoq etildi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturalarına, vatandaş ealisini öldürgenine ve hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
