Sentâbrniñ 8-nde saba Zaporijjâğa endirilgen darbe neticesinde 42 çoq qatlı bina zarar körgen. Bunı şeer başınıñ vazifesini vaqtınca icra etken Anatoliy Kurtev haber etti.
"Zarar körgen binalarnıñ dairelerinde ve kirişlerinde pencerelerniñ camları sındı", - dep yazıla bildirmede.
Qayd etilgeni kibi, qıdıruv ve qurtaruv işler bütün kün devam etken ve daa raatlıq künleri devam etecek.
Kün devamında rayon memuriyetiniñ hadimleri ve içtimaiy işçiler evlerni baqıp çıqqanlar ve bozulmalarnı qayd etkenler.
Rusiye ordusı sentâbrniñ 8-nde saba kene Zaporijjâğa darbe endirdi.
Rusiye ordusı Zaporijjâ vilâyetiniñ qısmını ve Zaporijjânı muntazam tarzda ateşke tuta. Vilâyetniñ merkezi cebege yaqın olğanı içün sıq-sıq S-200 sistemasından ateşke tutula. Aynı zamanda Rusiye Ukrayinada arbiy olmağan ealini ateşke tutqanını red ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
