Link açıqlığı

Saatnıñ esas haberi

Rusiyeniñ Yuqarı mahkemesi "Memorial" halqara cemiyetini qapattı


Salı künü Rusiyeniñ Yuqarı mahkemesi "Memorial" halqarna cemiyetini qapatmağa qararına keldi. Bunı Azatlıq Radiosı rus hızmetiniñ mühbiri haber ete.

Baş Prokuratura teşkilâtnıñ muntazam olaraq çetel agentler aqqında qanunını bozğanında israr etti. Yekün oturışta müessiseniñ temsilcisi, teşkilât "ŞSCB-ni terrorcı devlet kibi köstergenini, natsist cinayetçilerni aqlay ve reabilitatsiya ete", dep bildirdi.

Uquq qorouyıcılar teşkilâtnıñ qapatılması içün iç bir qanuniy esas yoq edi, dep sayalar. Yüzlerce rusiyeli ve çetel medeniyet hadimleri, Nobel mukâfatları, jurnalistler Rusiye prezidenti Vladimir Putin adına muracaat imzaladılar ve teşkilâtnıñ taqip etilmesini toqtatmağa çağırdılar.

"Memorial" ofisiniñ reisi Yan Raçinskiy, qarar temyiz etilecek, uquqiy şahısları olmağan strukturalar bar olğanı içün ise cemiyet işini toqtatmaycaq, dep bildirdi.

"Memorial" Rusiyeniñ eñ qadimiy uquq qoruyıcı teşkilâtlarından biridir. Cemiyet 1989 senesi yanvar ayında yaratılğan edi. Onıñ birinci reisi Sulh Nobel mukâfatınıñ laureatı Andrey Saharov edi.

Teşkilât 30 yıldan ziyade sovet basqıları ile bağlı araştırmalar keçirdi ve basqılarğa oğratılğanlarnıñ adları ile tafsilâtlı malümat bazasını yarattı.

Moskvada Yuqarı bina yanında adamlar toplaşıp, "masharalıq" dep qıçıra ediler. Polis bir qaç adamnı yaqaladı.

Çarşenbe künü mahkeme "Memorial" uquq qoruyıcı merkeziniñ qapatılması aqqında davanı baqacaq.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG