"Rusiye istilâsı sebebinden, yazıq ki, bugün Ukrayina öz halqınıñ eñ qıymetli şeyini coya. Olarnıñ arasında — jurnalistler ve media hadimleri bar. Ukrayina Milliy haber hızmetiniñ malümatına köre, 91 matbuat vastası Rusiye Federatsiyasınıñ Ukrayinağa istilâsı vaqtında elâk oldı. Devletimizniñ azatlığı içün yapqanları içün başımıznı egemiz", — dedi o.
Ukrayina Medeniyet nazirliginiñ malümatına köre, 30 jurnalist esirlikte buluna, daa yüzlernen kişi Ukrayina Silâlı quvetleriniñ saflarına qoşuldı.
"Er kes tezden evge qaytacaq ve memleketimizde barışıq olacaq, dep ümüt etemiz", — dep qoştı müessise yolbaşçısı.
Ukrayina kütleviy haber institutınıñ malümatına köre, mayısnıñ 3-ne qadar 79 ukrain jurnalisti Rusiye istilâsı neticesinde elâk oldı, 10-u - zenaat faaliyetini eda etkende.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
