Baş prokuror ofisiniñ malümatına köre, umumen istilâ başlağanından 2444 bala zarar kördi, 1839-ı farqlı seviyede yaralandı.
Eñ çoq Donetsk vilâyetinde – 634 bala, Harkiv vilâyetinde – 470, Dnipropetrovsk vilâyetinde – 203, Herson vilâyetinde – 202 zarar körgen bala qayd etildi.
Soñki künleri, martnıñ 24-nde, Sumı şeerine açılğan ateş neticesinde 22 bala yaralandı. Tünevin martnıñ 17-nde Pokrovsk ücümi vaqtında yaralanğan 15 yaşında genç qız vefat etti, dep qayd etti prokuratura.
2025 senesi yanvar ayına qadar BM insan aqları monitoring missiyası 2022 senesi fevral ayından Rusiyeniñ Ukrayinağa qarşı cenki sebebinden 12605 vatandaş elâk oldı, daa 29178 kişi yaralandı, dep tasdıqladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
