Rusiye arbiyleri aprelniñ 7-ne keçer gecesi (aprelniñ 6-nda saat 18:00-den başlap) Ukrayinağa çeşit 110 darbe uçucısızınen ücüm etti, tahminen 70-i – "Shahed" edi, dep bildirildi Ukrayina Silâlı quvetleriniñ Ava küçleri telegramında. Berilgen malümatqa köre, dronlar Rusiyede üç yönelişten, vaqtınca işğal etilgen Donetsk vilâyetinde, Rusiye işğal etken Qırımnıñ Çavda burnundan ve Sarabuz qasabasından uçurıldı.
İlk malümatqa köre, saat 08:00-ge qadar Ukrayina Silâlı quvetleriniñ ava mudafaası memleketniñ şimali, cenübi ve şarqında Shahed, Gerber, Italmas ve diger 77 Rusiye dronını zararsız alğa ketirdi.
Ukrayina arbiyleri 14 yerde 31 darbe uçucısızınıñ ücümini ve 9 yerde parçalarnıñ tüşkenini qayd etti.
Vilâyetniñ arbiy memuriyeti bildirgenine köre, Rusiye ordusı gece Dnipro vilâyetine 10 kereden ziyade ücüm etti – bala elâk oldı, daa beş insan yaralandı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.