Ukrayina medeniyet ve haber siyaseti nazirligi Rusiyeniñ büyük istilâsı neticesinde Ukrayinada 1000-ge yaqın medeniy miras ve medeniy infraterkip obyekti zararlanğanı ya da yoq etilgeni aqqında bildirdi.
"Memleketniñ işğalden azat etilgen topraqlarından da monitoring başlanğanı içün raqamlar yılnıñ soñuna qadar tesbit etilecek. Ukrayina müzeyleriniñ, kitphaneleriniñ, sanat oquv yurtlarınıñ binalarınıñ damları bozuq, pencereleri sınıq", - dedi nazirniñ muavini Katerına Çuyeva.
Onıñ sözlerine köre, qışnıñ başlaması ve Rusiyeniñ kritik infraterkipke ücümleri ile bütün memleket boyu Ukrayinanıñ medeniyet müessiseleri qızdıruv ve elektriksiz qalğan ve olarnıñ yardımğa ihtiyacı bar.
Ukrayina Medeniyet nazirliginiñ malümatına köre, Ukrayinada UNESCO-nıñ Dünya mirası cedveline kirsetilgen yedi obyekt bar, daa 17 obyekt ise Dünya medeniy mirasnıñ azırlıq cedvelindedir. Bugünde olarnıñ episi telüke altındadır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
