BMT Telükesizilik Şurası Rusiyeniñ Ukrayinadaki gumanitar vaziyet ile bağlı teklif etken qarar leyhasını aman-aman bir ağızdan red etti.
Moskvanıñ teklif etken vesiqası vatandaşlarnıñ mudafaasını ve gumanitar yardımnıñ kösterilmesini talap ete. Amma, Rusiyeniñ Ukrayinağa keñiş mıqyaslı istilâsı neticesinde peyda olğan gumanitar buhran içün kim mesülietlei olğanını belgilemey edi.
Ukrayinanıñ BMT-daki elçisi Sergiy Kıslıtsâ qararnı "tsinik" adlandırdı.
"Bu tsinik şey ne Telükesizlik Şurasında, ne de Baş Assambleyada yer almamalıdır", - dedi o.
ABD-niñ BMT-daki temsilcisi Linda Tomas-Grinfild Rusiyeniñ teklifini izaatlap, Rusiye "öz tecavuziy areketlerini örtmek içün Telükesizilik Şurasını qullanmağa istegenini ayttı.
"Rusiyeniñ özüniñ yaratqan gumanitar buhrannı çezmek içün dünya toplulığına muracaat etken qararnı utanmacza teklif etkeni şaşırta. ABD tarafsız qalamaq niyetinde, çünki doğrusını aytqanda, Rusiye içün gumanitar vaziyetniñ fenalaşması ya da cenk sebebinden millionlarca ömür ve arzularnıñ yoq etilmesi epsi bir. Olsa edi, çoqtan bunı toqtatır edi", - dedi o.
Telükesizlik Şurasınıñ 15 azasından qarar leyhasına tek Rusiye ve Çin qoltuttılar, qalğanları bitaraf qaldılar.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: d3hzcgsd893cx5.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
