Rusiye Federatsıyasınıñ Ukrayinada yapqan cinayetlerini tahqiq etken BMT-nıñ halqara mustaqil komissiyası Kıyiv vilâyetini ziyaret etti. Bunı Kıyiv vilâyetiniñ arbiy memuriyetiniñ yolbaşçısı Oleksiy Kuleba haber etti.
"Kıyiv vilâyetiniñMilliy polis idaresiniñ reisi Andriy Nebitov ve Kıyiv vilâyetiniñ baş tahqiqatçısı Viktor Lugovoy ile beraber halqara ekspertler ve ruslarnıñ arbiy cinayetleriniñ vesiqalaştırılması mehanizmleri ve terrorcı memleket taarfından insan aqlarınıñ bozulması faktları ile bağlı İrpin akimiyetiniñ ile iş korbşüvini keçirdik", - dep yazdı o.
İç işler nazirligi hatırlattı ki, bugünge qadar Kyiv vilâyetinde «Rusiye arbiyleri tarafından qurşunğa tizilgen ve çekiştirilip öldürilgen» 1300 insannıñ cesedi çıqarıldı.
Aprelniñ 2-nde Kıyiv vilâyeti Rusiye ordusından azat etildi. RF ordusı keri çekilgen soñ azat etilgen şeer ve köylerde silâsız adamlarnıñ kütleviy ölümi alları qayd etildi. İlk nevbette söz Buça aqqında kete.
Ukrayina ve bazı Ğarp memleketleri Rusiyeni Kıyiv vilâyetindeki arbiy cinayetleri içün mesüliyetke çekmege talap eteler.
Rusiye işğal vaqtında yüz bergen öldürüvler faktı satellit resimleri ile tadıqlanğanına baqmadan, Kreml «silâsız adamlarnıñ öldürüvi ile bağlı er angi qabaatlavlarnı red ete».
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
