Berilgen malümatqa köre, Rusiyeniñ Ukrayinağa qarşı kerçekleştirgen büyük istilâsı başlağanından tahminen 409 010 biñ Rusiye arbiyi öldi.
Bundan ğayrı, Ukrayina Silâlı quvetleri Baş ştabınıñ malümatına köre, fevralniñ 24-nden Rusiyeniñ ğayıpları böyledir:
- 6 534 tank (+8)
- 12 425 zırhlı araba (+15)
- 9 952 top sisteması (+36)
- 999 çoqlu ateş raketa sisteması
- 684 ava mudafaa vastası (+2)
- 340 uçaq (+1)
- 325 vertolöt
- 7 659 operativ-taktik seviyeli uçucısız cihaz (+31)
- 1 905 qanatlı raketa (+2)
- 25 gemi/kater
- 1 подлодку
- 12 988 maşina tehnikası ve avtotsisterna (+28)
- 1 576 mahsus tehnika. (+1)
Keçende Ukrayina Silâlı quvetleriniñ Ava quvetleri Rusiyeniñ uzaq radiolokatsiya teşkerüv A-50 uçağı yoq etilgenini bildirdi.
Rusiye ve Ukrayina cenkte ölgenker aqqında malümat bermeyler. Moskva, 2022 senesi sentâbr ayında elâk olğanlarnıñ sayısını soñki sefer resmiy şekilde bildirgen edi, Kıyiv ise, bu malümat cenkten soñ aydınlatılacaq dep, bunı yapmadı.
Ukrayina prezidenti Volodımır Zelenskıy Amerika Fox News kanalına bergen intervyüsında, Ukrayina ğayıp etken er bir arbiy adamğa Rusiye beşini ğayıp ete, dep bildirdi.
MALÜMAT: Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
