Dünyanıñ bir çoq memleketinde Rusiyeniñ Ukrainağa keñiş mıqyaslı istilâsı sebebinden açlıq başlay bile. Bunı martnıñ 22-nde İtaliya parlamenti ögünde çıqışta bulunğan zamanı Ukrayina prezidenti Volodımır Zelenskıy dedi.
"Eñ deşetlisi türlü memleketlerge yaqınlaşqan açlıq olacaq. Ukrayina daima erzaqnıñ eñ büyük ihracaatçılarından biri edi, amma biz Rusiye toplarınıñ darbeleri altında nasıl saça bilemiz? Duşman aselet tarlalarnı minalağanda, yaqıt ile bazalarnı yoq etkende nasıl saça bilemiz? Bereketimiz nasıl olacağını ve limanlarımız blok etilgende ihrac etip olacağımızmı yoqmı bilmeymiz", - dedi Zelenskıy.
Bundan evel Ukrayina istihbaratınıñ baş idaresi, Rusiye Ukrayina ve dünyanıñ azıq telükesiziligini aselet bozmağa tırışqanını bildirgen edi.
Martnıñ 17-nde Ukrayina çiftçilik ve erzaq naziri Roman Leşçenko, Ukrayinda erzaqnıñ yeterli qadar yedegi olğanını bildirgen edi.
Nazirniñ bildirgenine köre, arbiy areketlerge baqmadan Ukrayina topraqlarında saçuv başlanğanını ayttı. Amma onı bozuv, halqara buhranğa sebep ola bile.
Ukrayina dünyanıñ çeşit köşelerinde 400 milion adamnı erzaqnen temin ete.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
