Ukrayinada iyülniñ 12-ne qadar Rusiyeniñ büyük istilâsı neticesinde, balalarnıñ işlerinen oğraşqan prokurorlarnıñ resmiy malümatına köre, 348 bala elâk oldı, dep bildire Ukrayina Baş prokurorınıñ ofisi.
348 elâk olğan ve 650 yaralanğan bala aqqında haber etilgen edi.
«Eñ çoq bala Donetsk vilâyetinde – 348, Harkiv vilâyetinde – 190, Kıyiv vilâyetinde – 116, Çerniğiv vilâyetinde – 68, Lugansk vilâyetinde – 61, Mıkolayıv vilâyetinde – 53, Herson vilâyetinde – 52, Zaporijjâ vilâyetinde – 31 zarar kördi», – dep aytıla haberde.
Ukrayina Baş prokurorınıñ ofisi iyülniñ 11-nde Rusiyeniñ Harhivniñ vatandaş infrastrukturasına kerçekleştirgen darbesi neticesinde 17 yaşında oğlan öldi, 4 ve 16 yaşında eki oğlançıq yaralandı.
Ukraina Baş prokurorınıñ ofisi qayd etkenine köre, bu raqamlar tam degil, çünki cenk ketken yerlerde, işğal etilgen ve azat etilgen topraqlardan malümat tez kelmey.
Bundan ğayrı, Ukraina Baş prokurorınıñ ofisi bildirgenine köre, Rusiye Federatsiyasınıñ bombardımanları ve ateşi neticesinde 2101 oquv yurtu zarar kördi: 215-i bütünley yıqıldı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
