İddia etile ki, söz Ukrayina Silâlı Quvetleriniñ «Svâtaya Varvara» adlı 19-ncı raketa brigadasınıñ komandanı Rostislav Karpuş aqqındadır. Haberge köre, ukrayin askeri ğıyaben apiske alınğan ve halqara qıdıruv cedveline kirsetilgen.
Karpuşnıñ açıq izaatları yoq. Ukrayina komandanlığı da bu qabaatlavğa daa cevap bermedi.
2024 senesi ilk yaz ayınıñ 23-nde Aqyar, Kezlev ve Saq rayonlarında patlavlarğa ve ava mudafaası sistemalarına beñzegen küçlü sesler eşitilgeni aqqında haber etilgen edi. Aynı vaqıtta, ASTRA Telegram kanalı Aqyar sakinlerineatıf etip yazğanı kibi, ücüm vaqtında şeerde ava telükesi signalı çalışmağan, plâjlarda ise çoq balalı qoranta bar edi. Soñra Aqyarnıñ rusiye başı Mihail Razvojayev Uçkuyevkada yalıda ölü ve yaralı, Lübimovkada ise eki yaralı aqqında bildirdirgen edi.
Rusiye arbiyleri 2024 senesi ilk yaz ayınıñ 23-nde ukrayin quvetleri Aqyarğa qarşı ATAKMS kassetalı cenk silalarınen raketanı atqanlarını idda etken ediler. Rusiyeniñ Mudafaa nazirligi qayd ete ki, «Ava mudafaasınıñ tesiri» neticesinde raketa yolundan çıqtı, onıñ parçaçıqları ise, hususan, yalığa tüşti. Rusiye akimiyeti dört adam (olarnıñ arasında eki bala) ölgenini, 153 adam yaralanğanını bildire.
Ukrayina arbiy-deñiz flotunıñ vekili Dmitro Pletençuk, ücümni izaatlap, Ukrayina Silâlı Quvetleri halqqa ya da grajdan infrastrukturasına ücüm etmek içün silâ qullanmağanını ayttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
