Rusiye Federatsiyasınıñ Rostov vilâyetinde uçucısız uçaqnıñ ücüminden sebep neft bazasında yanğın çıqqanı aqqında bildirdiler.
Region gubernatorı Vasiliy Golubevniñ aytqanına köre, yanğınnıñ üçünci derecesi belgilendi. O yerde 49 yanğıncı ve 14 tehnika çalışmaqta. Şimdilik kimse elâk olmadı ya da zarar körmedi.
Memurnıñ aytqanına köre, yanğın meydanı 200 kvadat metr, yanğınğa oğrağan yerge yanğın trenı keldi.
Don Mash Telegram kanalı yanğınnıñ videolarını derc ete.
Rusiye Mudafaa nazirliginiñ malümatına köre, Rostov vilâyetinde eki uçucısız uçaq yoq etildi, daa birer uçaq Belgorod ve Kursk vilâyetlerinde yoq etildi. Moskva ücümde Ukrayinanı qabaatlay, Kıyiv şimdilik izaat bermey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
