Avropa Birliginiñ Tış işler yolbaşçısı Josep Borrell Mıkolayivdeki zahire unu ile anbarnı yoq etken Rusiyeniñ soñki raketa ücümini izaatladı.
"Global aşayt buhranını quvetleştirgen Rusiyeniñ nevbetteki raketa darbesi. Rusiye ordusı Mıkolayivdeki Ukrayinanıñ ekinci eñ büyük zahire terminalını yoq etti", - dep bildirdi Borrell.
O qayd etti ki, bu kibi haberler olğanda Rusiye prezidenti Vladimir Putinniñ mesüliyetten qanınmaq içün darqatqan sahte malümat daa da tsinik körüne.
Mıkolayiv şeeriniñ başı Oleg Senkeviçniñ sözlerine köre, iyünniñ 4-nde Rusiye ordusı şeerdeke infraterkip obyektini ateşke tutqan. Ateşke tutma neticesinde zahire unu ile anbarlar yanıp başlağan. Eki anbar yanğan, kimse zarar körmegen.
Mayısnıñ 21-ne olğan malümatqa köre, Ukrayina prezidenti Volodımır Zelenskıynıñ sözlerine köre, Rusiye Ukrayina limanlarında "yavaş-yavaş qırsızlağan ve çıqarıp, satmağa tırışqan" 22 million tonna aşayt blok etken.
Dünya toplulığı Rusiyeni limanlarını açmağa ve ukrayin zahiresiniñ ihrac etilmesine yol bermege çağıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
