NATO Moskvanı «telükeli ve mesüliyetsiz» özek lafları sebebinden tenqit etti – Rusiye prezidenti Vladimir Putin Beyazrusiyede taktik özek silâsını yerleştirecek, dep bildirdi. Bu aqta Reuters yaza.
«Vaziyetni diqqatnen taqip etemiz. Bizni bir tüzetüv yapmağa mecbur etecek Rusiyeniñ özek mevzisinde bir deñişme körmedik», – dep ayttı ittifaq vekili.
O, Moskvanı «CHB añlaşmasınıñ toqtatıluvınen beraber silâ kontrolinen bağlı mecburiyetlerniñ «ardı-sıra» bozuluvında» qabaatladı.
Martnıñ 25-nde Vladimir Putin Rusiye Beyazrusiyede taktik özek silâsını yerleştirecek, dep bildirdi – iyülniñ 1-ne qadar mahsus anbar qurucılığı yekünlenmeli. Bundan ğayrı, Minskke «İskander» raketa kompleksi ve özek raketalarını taşığan uçaqlar berildi.
Putinniñ aytqanlarına köre, qarar Büyük Britaniya Ukrayınağa işlengen uran snarâdlarını bermege niyeti bar dep bildirgen soñ alındı. Bular özek silâsı olmay. Lâkin Moskva niyetlerge sert bir şekilde cevap berip, Londonnı kerginlikte qabaatladı ve cevap tedbirleri aqqında vade etti.
ABD akimiyeti Rusiye prezidenti Vladimir Putin Rusiye Beyazrusiyede taktik özek silâsını yerleştirecek dep aytqan soñ strategik özek küçleriniñ işini nizamını deñiştirmeycek, dep bildirdi.
«Özek quvetlerimizniñ yerini tüzetüv sebeplerini körmeymiz, Rusiyeniñ özek silâsını qullanuv alâmetlerini de körmeymiz. NATO ittifaqı çerçivesinde ortaq mudafaanıñ eskisi kibi tarafdarı olamız», – dep qayd etti ABD Milliy telükesizlik şurasınıñ vekili Edriyenn Uotson.
Almaniya Tış işler nazirligi Kreml yolbaşçısınıñ qararını Rusiye tarafından «qorquzuv ıntıluvı» dep adlandırdı.
«Putinniñ NATO özek küçlerinen bağlı qıyaslavları yañlış fikirnen baş aylandıra ve Rusiye ilân etken adımnı aqlamaq içün qullanılamaz», – dep qayd etti müessise.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
