Rusiyeniñ iyünniñ 14-ne keçer gecesi Odesağa qarşı yapqan raketa ücümi neticesinde eñ az üç insan elâk oldı, 13 kişi yaralandı, dep bildire «Cenüp» Ukrayına operativ komandanlığı.
Berilgen malümatqa köre, Rusiye ordusı Qara deñizden Odesağa qarşı dört «Kalibrni» uçurdı.
«Neticede ve patlav dalğasından biznes merkezi, oquv yurtu, mesken kompleksi, qaveler ve tükânlar zarar kördi. İlk malümatqa köre, altı kişi yaralandı. Raketanıñ zıncır tükânlarından biriniñ anbarına tüşmesi neticesinde duşman 1000 metr kâreni yoq etti ve 400 metr kârede yanğın çıqtı. Üç hadim elâk oldı, yedi kişi yaralandı», – dep aytıla haberde.
Arbiyler yıqılğan binalar şimdi baqıla, insanlar ola bile, dep qoştı.
«Cenüp» arbiy komandanlığı uçurılğan raketalardan ekisi tüşürildi, dep bildirdi.
İyunniñ 13-nde aqşam arbiyleri Rusiye «Kalibr» raketalarını tanılğan daa bir gemini Qara deñizge çıqardı, dep bildirdi.
İyünniñ 13-ne keçer gecesi Rusiye Ukrayınağa darbe endirdi, Ukrayına Silâlı quvetleriniñ Ava quvetleri bildirgenine köre, 15 raketa ve dört dron qullanıldı. 11 raketa ve bir dronnı ava mudafaa quvetleri tüşürildi.
Dnipropetrovsk vilâyetindeki Krımıy Riğde ücüm neticesinde 11 insan elâk oldı, 36 kişi yaralandı, 12-si – hastahanede, on kişiniñ alı ağır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
