Ukraina telükesizlik hızmetiniñ dronları tarafından zarar körgen Rusiyeniñ "Gorkiy" neft pompalav stansiyasında yanğın devam etmekte, dep bildire Azatlıq Radiosınıñ "Schemı" leyhası tarafından derc etilgen uydu resmi.
Çeçekniñ 23-nde "Shemı" da olğan Planet Labs fotoresiminde Rusiyeniñ Nijnegorod vilâyetindeki "Gorkiy" neft pompalav stansiyasında eñ az eki rezervuar yanğanını körmek mümkün.
Ukrayina telükesizlik hızmetinde Azatlıq Radiosınıñ menbası bildirdi ki, Çeöekniñ 22-nden 23-ne keçer gecesi SBU-nıñ "Alfa" mahsus ameliyatlar Merkeziniñ uçucısız uçaqları bu stansiyanı urdı. İlk malümatlarğa köre, darbe neticesinde üç neft rezervuarı zarar kördi, 20 biñ kvadrat metrlik yanğın çıqtı.
"Gorkiy" neft pompalav stansiyası Rusiye Federatsiyasınıñ neft naqliye sistemasınıñ müim bir qısmıdır ve "Tranneft — Üst Volga" AŞ qurulışına kire.
Bu stansiya keçirgen cermay, başqa şeylernen beraber, yaqında Ukrayina tarafından tamir etilgen "Drujba" neft borusına berile.
Ukrayinağa qarşı Rusiyeniñ keñ kölemlñ basuvı başlağan soñ Rusiyede ve işğal etken topraqlarında çeşit obyektler ava ücümlerine oğray. Ukrayina Silâlı quvetleriniñ Baş ştabı darbelerniñ büyük qısmını tasdıqlap, Ukrayina Mudafaa quvetleri "Rusiye işğalci ordusınıñ arbiy küçüni eksiltecek, Rusiyeni Ukrayinağa qarşı silâlı istilâğa mecbur etecek tedbirlerni muntazam sürette ala", dep bildire.