Sentâbrniñ 19-nda Rusiyeniñ Kupânskqa endirgen darbesi neticesinde elâk olğanlarnıñ sayısı altı oldı, dep haber etti Harkiv vilâyetiniñ arbiy memuriyetiniñ reisi Oleg Sinegubov.
"Duşmannıñ avadan endirgen darbesi neticesinde Kupânskta dört erkek ve eki qadın elâk oldı. Acele hızmetler qaza yerinde çalışmağa devam eteler", - dep yazdı o telegramda. Evel başlıqlar üç kişi elâk oldı dep haber etken ediler.
Bu aynıñ başında arbiyler Liman-Kupânsk yönelişinde RF ordusı "USQ mudafaasını keçmege" tırışalar dep haber etken ediler.
2022 senesi fevral ayından başlap işğal altında olğan Kupânsk ve şeerniñ büyük qısmı sentâbr ayında azat etilgen edi. Soñki aftaları Kupânsk yönelişinde rusiyelilerniñ küçleri artıp başlağanı aqqında haber etilgen edi.
Avgustnıñ 10-nda yerli başlıqlar ealiniñ mecburiy tahliyesini ilân etken ediler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
