Rusiyeniñ Krıvıy Riğge endirgen darbesi neticesinde ölgenlerniñ sayısı 6 olğan, daa 5 kişi dağıntılar tübünde ola bile eken. Bunı Şeerniñ mudafaa şurasınıñ reberi Aleksandr Vilkul bildirdi.
"Yazıq ki, amma al-azırda ölgen altı kişi bar. Daa 25 insan yaralanğan, olarnıñ arasında onnıñ alı ağır ve daa üçniñ alı pek ağır. Qurtaruv ameliyatı devam etmekte. Daa beş kişi dağıntılar altında ola bile", - dedi Vikul.
"Yanğınlar artıq söndürilgen. Dağıntılar qaldı, şimdi bunen oğraşamız. Adamlarnı yerleştiremiz, kerekli yardım kösteremiz", - dep qoştı o.
Onıñ qayd etkenine köre, darbe endirilgen yer yanında iç bir arbiy obyekt yoq eken.
Bu gece Rusiye Ukrayinağa 16 raketa ile ücüm etti. Rusiye ordusı on dört X-101/555 ve eki "Kalibr" raketasını atqan. Olardan 10-u Ukrayina ava ücüminden mudafaa quvetleri tarafından urıp tüşürildi. Bundan ğayrı, Rusiye işğalcileri Krıvıy Riğge raketa darbesini endirdi ve beş qatlı mesken binağa ve diger grajdanlıq inşaatlarına urdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
