Bu aqta Azatlıq Radiosınıñ efirinde Ukrayina Cenübiy mudafaa quvetleriniñ strategik kommunikatsiyalar merkeziniñ yolbaşçısı Dmıtro Pletentçuk bildirdi.
"Aqlıñızdamı, bir vaqıtları informatsion alanında Rusiyeden Qırımğa yerastı tünel leyhası bar edi. Menimce, onı qurmağa başlamaq içün tam bir vaqıt, çünki Qırımğa barmaq içün başqa telükesiz yollar, ğaliba, qalmaycaq", — dep ayta arbiy.
Pletençuknıñ aytqanına köre, köpür logistika yüküne dayanamay, şunıñ içün Rusiyede alternativler qıdırmağa mecburlar.
"Deñiz arbiy logistika, yani büyük desant gemileriniñ qullanılması da olar içün yasaq. Çünki bu desant gemileri neçündir Qara deñizimizde patlap, batıp keteler. Keriç köprü açılğanda unutılğan paromlarnı qullanmağa qarar aldılar. Demek ki, arbiy logistikanıñ esas qısmı paromlarğa ait edi. Endi kerekmey", — dep añlattı Pletençuk.
Bundan da ğayrı, o, rusiyelilerniñ Azaq deñiziniñ şimaliy yalısı boyunca Ukrayinanıñ cenübiy qısmında qurğan demiryolu qurulmağanını qoşa.
Köprüge ücüm etmek içün şimdi kelişken bir vaqıtmı sualine, Pletençuk bu "insanlarnıñ sıñırlı dairesi tarafından tanıla", dep cevap berdi ve "böyle qurulışlarnı yeñmek qıyın" dep qoştı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
