Rusiye ücümleri neticesinde bir künde Ukrayinanıñ beş vilâyetinde doquz insan elâk oldı, daa 88 yaralandı, dep bildire yerli akimiyet.
Keriç vilâyetinde bir künde Rusiye quvetleri 36 KAB-nı urdı, Harkivde Rusiye ücümleri neticesinde 14 insan zararlandı, daa 8 kişi Borovaya, Russkaya Lozova, Kotovka mesken yerlerinde zararlandı. Bu aqta vilâyet arbiy memuriyetiniñ yolbaşçısı Oleğ Sinegubov bildirdi.
Herson vilâyetinde keçken kün devamında Rusiye tarafından açılğan ateş ve ava ücümleri neticesinde 23 meskün yer zarar kördi, bir kişi elâk oldı, daa yedisi yaralandı, dep bildirdi Herson vilâyetiniñ başı Oleksandr Prokudin.
Zaporojjâ vilâyetinde keçken künü Rusiye ücümleri neticesinde eki insan elâk oldı, daa biri yaralandı, dep bildirdi vilâyetniñ arbiy memuriyetiniñ reisi İvan Fedorov.
Dniprda Rusiye ücüminiñ neticesinde altı insan elâk oldı, 55 kişi yaralandı, dep bildire yerli akimiyet ve Ukrayina Baş prokurorınıñ ofisi.
Rusiye arbiyleri çeşit silâlardan Ukrayina regionlarına muntazam surette ücüm ete. Delillerge baqmadan, Moskva Ukrayinanıñ vatandaşlarına qarşı yapılğan ücümni inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
