Rusiyeniñ Ukrayinağa istilâsı neticesinde 241 bala öldi, 438 yaralandı, dep haber ete Ukrayina Prokurorı ofisi.
"Bu raqamlar soñki degil, çünki faal cenk areketleri ketken yerlerde, vaqtınca işğal etilgen ve azat etilgen topraqlarda malümat teşkerile. Eñ çoq Donetsk vilâyetinde – 151, Kıyiv vilâyetinde – 116, Harkiv vilâyetinde – 108, Çerniğiv vilâyetinde – 68, Herson vilâyetinde – 49, Mıkolayıv vilâyetinde – 45, Lugansk vilâyetinde – 50, Zaporijjâ vilâyetinde – 28, Sumı vilâyetinde – 17, Kıyivde – 16, Jıtomır vilâyetinde – 16 bala zarar kördi", – dep aytıla haberde.
Rusiye Federatsiyası silâlı quvetleriniñ er künlik bombardıman ve ateşleri sebebinden 1887 oquv yurtu zarar kördi, 180 tamamen yıqıldı.
Aynı zamanda MBT-nıñ İnsan aqları Yuqarı komissarı ofisiniñ malümatına köre, Rusiyeniñ Ukrayinağa qarşı keniş mıqyaslı cenki neticesinde 3998 barışıqsever şahıs ölgen ve 4693 yaralanğan .
Ölgenler arasında 260 bala, yaralanğanlar arasında 506.
Teşkilâtta qayd etkenleri kibi, kerçek raqamlar daa ziyadedir.
Rusiye fevralniñ 24-nde Ukrainağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrainadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrainanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrainanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
